समावेशी सञ्चारया नितिं नेवाः पत्रकार राष्ट्रिय दबूया पत्रकारिता तालीम क्वचाल
यल । नेवाः पत्रकार राष्ट्रिय दबूया ग्वसालय् नेवाः समाज दुने थीथी जाती खलः पुचः पाखेँ म्होति न छम्ह व्यावसायिक पत्रकार उत्पादन यायेगु तातुनां चैत २७ गते आइतवाः निसे २९ गते मंगलवाः तक स्वन्हूयंक छगू आधारभूत पत्रकारिता तालीम न्ह्यात । यल क्षेत्र नं. २ या सासंद भाजु चन्द्र महर्जनजुया निर्वाचन क्षेत्र विकास कार्यक्रमय् दुथ्यागु जिल्ला समन्वय समितिया संयोजनय् न्ह्यागु उगू तालीम ज्याझ्वः जावलाख्यलय् तमकःद्यथाय् ताम्राकार समाजया सभाहलय् न्ह्यागु खः । नेवाः पत्रकार राष्ट्रिय दबूया नायो भाजु श्रीकृष्ण महर्जनया नायोसुइ जूगु छगु ज्याझ्वलय् सासंद भाजु चन्द्र महर्जनं त्वादेवा च्याका उगु ज्याझ्वया उद्घाटन याना दिगु खः ।
नेवाः पत्रकार राष्ट्रिय दबूया नोकू व प्रशिक्षण विभाग प्रमुख भाजु सुरजवीर बज्राचार्यं तालीमय् ब्वतिकया दीपिं भाजु मयजु पिन्त लसकुस यासें लसकुस न्वचु बिया दिलसा मूछ्याञ्जेँ व कार्यक्रम संयोजक भाजु सुनिल महर्जनं ज्याझ्वया तातुनायात कया थगु खँ कना दिल ।
अथेहे ताम्रकार समाजया सभाहल बिया ग्वहाली यानादीम्ह, ताम्राकार समाजया नायो व विशिष्ट अतिथि भाजु रवीन्द्रराज ताम्राकारं तालीमय् ब्वतिकयादीपिन्त हपाः बियादिसें तालीम कायेगु जक तधंगु खँ मखु उकियात ज्याख्यलय् न छ्यले फत धासा जकः झीसं यानागु कुतः सुथां लाइ धया दिल । मूपाहाँ सासंद भाजु चन्द्र महर्जनं आदिवासी नेवाः त संस्कृतिइ तमि जूसां नेवाः समाज मेमेपिं समुदाय सिवें लिपालाना च्वंगु धैगु थगु खँ न्ह्यब्वया क्यने मफूगु नि खः धया दिसें थ्व तालीमं छुं भचासां तीब बिई धया दिल । लिसें न्ह्योने वया च्वंगु स्थानीय चुनावं न्यादँया नितिं स्थानीय सरकार गठन जूइगु नि थुकि भिजन दुम्ह नेता ल्यया छ्वयेत पत्रकारिताया भूमिका अप्व दु धयादिल । नायो भाजु श्रीकृष्ण महर्जनं समाजया ह्यूपाया संवाहक धैपिं संचारकमि त खः धयादिसें थुगु तालीम काये धुंका थथगु समुदायया समाचार थथगु थासं थम्हेस्यां हे सम्प्रेषण यायेफइ धयादिल ।
उगु उद्घाटन सत्रया उद्घोषण नेवाः पत्रकार राष्ट्रिय दबूया यलकचा छ्याञ्जें भाजु राजेश बज्राचार्यं याना दीगु खः । उद्घाटन सत्र लिपा प्रशिक्षकपिं भाजु सुनिल महर्जनं पत्रकारिता ईतिहास व महत्व, भाजु सुरेशकिरण मानन्धरं आमसंचार व पत्रकारिता, अथेहे भाजु सुरजवीर बज्राचार्यं रेडियो पत्रकारिता व भाजु श्रीकृष्ण महर्जनं टेलिभिजन पत्रकारितायात कया प्रशिक्षण बिया दिल । प्रशिक्षणया झ्वलय कन्हय् खुनु रेडियो सगरमाथा, अनलाइन पत्रिका व नेपालमण्डल टेलिभिजन व या ज्याकुथिई फिल्डभिजिट ज्याझ्वः जूगु ख । कसं खुन्हु सुथसिया सत्रय प्रशिक्षकपिंस छन्हु न्ह्योया तालीम ज्याझ्वय या समीक्षा व रेडियो व छापा पत्रकारिताया व्यावहारिक व प्राविधिक ज्ञान बिया दिल । उखुन्हु हे ज्याझ्वया समापन समारोहलय् प्रशिक्षक पिन्त मतिनाया पौ व पाहाँ मूपाहाँपिन्त मतिनाया चिं लल्हायेगु ज्या जूलसा समारोहया मूपाहाँ स्थानीय विकास अधिकारीजुं व सासंदजुं प्रशिक्षार्थीपिन्त प्रमाणपत्र लल्हाना दिल । नेवाः समाज दुने थीथी जाति पुचः या प्रतिनिधित्व यानादीपिं थ्यंमथ्यं स्वीम्ह भाजुमयजुपिंस उगु तालीमय् ब्वति कया दिगु खः ।तालीम ग्वसा खलकं तालीम कार्यक्रम तसकं प्रभावकारी जूगु व आ निकट भविष्य हानं थज्यागु हे कार्यक्रम संचालन यायेत्यनागु खँ धागु दु ।
यल । नेवाः पत्रकार राष्ट्रिय दबूया ग्वसालय् नेवाः समाज दुने थीथी जाती खलः पुचः पाखेँ म्होति न छम्ह व्यावसायिक पत्रकार उत्पादन यायेगु तातुनां चैत २७ गते आइतवाः निसे २९ गते मंगलवाः तक स्वन्हूयंक छगू आधारभूत पत्रकारिता तालीम न्ह्यात । यल क्षेत्र नं. २ या सासंद भाजु चन्द्र महर्जनजुया निर्वाचन क्षेत्र विकास कार्यक्रमय् दुथ्यागु जिल्ला समन्वय समितिया संयोजनय् न्ह्यागु उगू तालीम ज्याझ्वः जावलाख्यलय् तमकःद्यथाय् ताम्राकार समाजया सभाहलय् न्ह्यागु खः । नेवाः पत्रकार राष्ट्रिय दबूया नायो भाजु श्रीकृष्ण महर्जनया नायोसुइ जूगु छगु ज्याझ्वलय् सासंद भाजु चन्द्र महर्जनं त्वादेवा च्याका उगु ज्याझ्वया उद्घाटन याना दिगु खः ।
नेवाः पत्रकार राष्ट्रिय दबूया नोकू व प्रशिक्षण विभाग प्रमुख भाजु सुरजवीर बज्राचार्यं तालीमय् ब्वतिकया दीपिं भाजु मयजु पिन्त लसकुस यासें लसकुस न्वचु बिया दिलसा मूछ्याञ्जेँ व कार्यक्रम संयोजक भाजु सुनिल महर्जनं ज्याझ्वया तातुनायात कया थगु खँ कना दिल ।
अथेहे ताम्रकार समाजया सभाहल बिया ग्वहाली यानादीम्ह, ताम्राकार समाजया नायो व विशिष्ट अतिथि भाजु रवीन्द्रराज ताम्राकारं तालीमय् ब्वतिकयादीपिन्त हपाः बियादिसें तालीम कायेगु जक तधंगु खँ मखु उकियात ज्याख्यलय् न छ्यले फत धासा जकः झीसं यानागु कुतः सुथां लाइ धया दिल । मूपाहाँ सासंद भाजु चन्द्र महर्जनं आदिवासी नेवाः त संस्कृतिइ तमि जूसां नेवाः समाज मेमेपिं समुदाय सिवें लिपालाना च्वंगु धैगु थगु खँ न्ह्यब्वया क्यने मफूगु नि खः धया दिसें थ्व तालीमं छुं भचासां तीब बिई धया दिल । लिसें न्ह्योने वया च्वंगु स्थानीय चुनावं न्यादँया नितिं स्थानीय सरकार गठन जूइगु नि थुकि भिजन दुम्ह नेता ल्यया छ्वयेत पत्रकारिताया भूमिका अप्व दु धयादिल । नायो भाजु श्रीकृष्ण महर्जनं समाजया ह्यूपाया संवाहक धैपिं संचारकमि त खः धयादिसें थुगु तालीम काये धुंका थथगु समुदायया समाचार थथगु थासं थम्हेस्यां हे सम्प्रेषण यायेफइ धयादिल ।
उगु उद्घाटन सत्रया उद्घोषण नेवाः पत्रकार राष्ट्रिय दबूया यलकचा छ्याञ्जें भाजु राजेश बज्राचार्यं याना दीगु खः । उद्घाटन सत्र लिपा प्रशिक्षकपिं भाजु सुनिल महर्जनं पत्रकारिता ईतिहास व महत्व, भाजु सुरेशकिरण मानन्धरं आमसंचार व पत्रकारिता, अथेहे भाजु सुरजवीर बज्राचार्यं रेडियो पत्रकारिता व भाजु श्रीकृष्ण महर्जनं टेलिभिजन पत्रकारितायात कया प्रशिक्षण बिया दिल । प्रशिक्षणया झ्वलय कन्हय् खुनु रेडियो सगरमाथा, अनलाइन पत्रिका व नेपालमण्डल टेलिभिजन व या ज्याकुथिई फिल्डभिजिट ज्याझ्वः जूगु ख । कसं खुन्हु सुथसिया सत्रय प्रशिक्षकपिंस छन्हु न्ह्योया तालीम ज्याझ्वय या समीक्षा व रेडियो व छापा पत्रकारिताया व्यावहारिक व प्राविधिक ज्ञान बिया दिल । उखुन्हु हे ज्याझ्वया समापन समारोहलय् प्रशिक्षक पिन्त मतिनाया पौ व पाहाँ मूपाहाँपिन्त मतिनाया चिं लल्हायेगु ज्या जूलसा समारोहया मूपाहाँ स्थानीय विकास अधिकारीजुं व सासंदजुं प्रशिक्षार्थीपिन्त प्रमाणपत्र लल्हाना दिल । नेवाः समाज दुने थीथी जाति पुचः या प्रतिनिधित्व यानादीपिं थ्यंमथ्यं स्वीम्ह भाजुमयजुपिंस उगु तालीमय् ब्वति कया दिगु खः ।तालीम ग्वसा खलकं तालीम कार्यक्रम तसकं प्रभावकारी जूगु व आ निकट भविष्य हानं थज्यागु हे कार्यक्रम संचालन यायेत्यनागु खँ धागु दु ।
No comments:
Post a Comment