नेवाः तयेगु मंकागु राष्ट्रिय संगठन नेवाः देय् दबूया समस्या गुकथं ब्वलन व समस्या ज्यंकेत धका दयेकुगु दवाव समूहया कजि भाजु शरद कसाः नाप मेट्रो एफएमया नेपालमण्डल दबूलिइ श्री कृष्ण महर्जनजुं याना दिगु
नेवाः देय् दबूया समस्या समाधान यायेत दबाव समूह
श्री कृष्ण महर्जन
नेवाःतय्गु मंकाःगु राष्ट्रिय संगठन नेवाः देय् दबूया लिपांगु इलय् खुक्वःगु तःमुँज्या अनिश्चित कालतया नितिं हे स्थगित याःगु अवस्थाय् वःगु समस्या ज्यंकेगु नितिं छगू दबाव समूह दयेकूगु दु । थौं शनिवाः स्वनिगः दुनेया खलः पुचःया प्रतिनिधि नापं खुक्वःगु तःमुँज्याय् ब्वति कयादीपिं प्रतिनिधितय्गु दथुइ जूगु भेलां अथे दबाव समूह दयेकेगु ज्या जूगु खः । दबाव समूहया कजिइ सरद कसाः च्वनादीगु दु ।
दबाव समूहया दुजलय् विनोद राजभण्डारी, जितेन्द्रविलास बज्राचार्य, राजेश शाक्य, ज्योति शाक्य, माधव स्यस्यः, किरण शाक्य, सरेश प्रधान, उदेन न्हूसाय्मि, राजा शाक्य व देवदास मानन्धर च्वनादीगु दु ।
उगु दबाव समूहपाखें नेवाः देय् दबूया नायः नरेश ताम्रकार, नायः पदया नितिं दावेदार पवित्र बज्राचार्य व निर्वाचन मण्डलया कजि अधिवक्ता चण्डेश्वर श्रेष्ठयात वार्ता याकेगु नितिं माःगु कथंया वातावरण ब्वलंकेगु धकाः नं निर्णय याःगु दु ।
No comments:
Post a Comment