दैवज्ञ ज्योतिषज्ञ कीर्तिमर्दन जोशी नाप सहलह : तिथि टुट जुया च्वंगु व पर्व सुधारयात कया विशेष

Shankhadhar : Replica from the stone image at
Pashupatinath Temple

थुगुसि न क्वःपुजा, खिचा पुजा व लक्ष्मी पुजायात कया तिथि तुत जुया च्वंगु दु । 

नेवाः तयसं थिथि नखः चखः हनिबलय् अझ धाय मोहनि व स्वन्ति नखः हनिगु बलय तिथिया तधंगु च्यूता जुयाः च्वनि । तिथि पात्रोय् पिहां वया दछि लिपा जक, गुबलय् मोहनि वइ, स्वन्ति वइ, न्हूदँ त्यइ, उबलय् जक झिसं वाः चायकि कि तिथि द्वना च्वंगु दु, तिथि टुट जुया च्वंगु दु । 

थ्व तिथि द्वना च्वंगु थौं यागु जक मखुसे छगु दशक हे दय धुंकल, थ्व जुया च्वंगु दु । नेवाः तयसं धासा गुबलय् न्हूदँ वइ, मोहनि-स्वन्ति वइ, उबलय जक इस्यू कथं थ्व खँ ल्ह्वना च्वंगु दु । 

अथेहे ज्योतिषीय गणना कथंह मोहनि व स्वन्ति लिसें दक्को नखःचखः छगु ला लिपालाना च्वंगु दु। उकिं पर्व सुधार याना झिगु नखःचखः त छगु ला न्हापा हये मागु दु धका धयादिइ दैवज्ञ ज्योतिषज्ञ कीतिमर्जन जोशीजुं ।

थुगु खँ यात कया दैवज्ञ ज्योतिषज्ञ कीर्तिमर्दन जोशी नाप सहलह । मेट्रो एफएमया नेपालमण्डल दबूलिइ उदेन न्हूसायमि व श्रीकृष्ण महर्जनजु याना दिगु खँल्हाबल्हा ।

कीर्तिमर्दन जोशी नेपाल संस्कृत विश्वविद्यालय पञ्चाङ्ग निर्देशक समितिया दुजः व पर्व सुधार राष्ट्रिय कार्यान्वयन समितिया व्यवस्थापक लिसें नेपाल पञ्चाङ्ग पत्रया संयोजक न जुया ज्याः याना च्वना दिइ ।