आङ्काजी शेर्पा नाप सहलह : मेट्रो एफ्एम् नेपालमण्डल दबू या विशेष राजनीतिक अभियान

ने.सं. ११३२, तछलागा त्रयोदशी (२०६९ असार ३) । थौं चर्चाया विषय जुया च्वना दिम्ह आङकाजी शेर्पा नेपाल आदिवासी जनजाति तयगु मंका संगठन नेपाल आदिवासी जनजाति महासंघया महासचिव खः । वयकः नेकपा एमालेनाप आबद्ध जुया च्वंगु खः । वयक यातः नेकपा एमालें कारवाही याना पार्टीं निष्काशन यागु प्रसंग व विशेष याना लिपागु आदिवासी जनजाति आन्दोलन निसें वयकयात पार्टी निष्काशन तकया प्रसंग ।

मेट्रो एफ्एम्या नेपालमण्डल दबू नेपालभाषाया ज्याझ्व थौंकन्हय् राजनीतिक अभियान या रुपय् न्हाना वया च्वंगु दु । नेपालया आदिवासी जनजाति व नेवाः त नाप सरोकार दुगु विषयलय् थिथि व्यक्तित्व लिसे सहलह ब्याकेगु नापं श्रोता तयगु जिज्ञासा तयेकेगु कथंह थ्व अभियान न्हाका वयाच्वंगु ख । नेवाः तयगु, आदिवासी जनजाति तयगु, राज्यं बहिष्करणय लाका तपिं समुदायया राजनीतिक सचेतना अभियान कथंह थ्व ज्याझ्व न्हाना वयाच्वंगु दु । सुथय् ८ बजे निस्ै ८ः३० बजे तक लगातार राजनीतिक अभियान कथंह थ्व रेडियो ज्याझ्व न्हाका वयाच्वंगु दु । संविधान घोषणा जुइ झिन्यान्हु (१५) दिं न्ह्य निसें ज्याझ्व मदिक्क न्हिया न्हिथं न्हाना च्वंगु दु । न्यनिगु ल्वमंका दिइ मते । ज्याझ्व न्हाका दिपिं श्रीकृष्ण ज्यापू व उदेन न्हुसामि जुयादिइ ।